Фирмата КУКУНЕШ ДООЕЛ Струга е основана во 1996 година, со основна цел вршење на трговска дејност.

Од 1999 година сме ексклузивен застапник и увозник на производите на Металац Посуѓе од Горњи Милановац, Р.Србија за пазарот во Република Македонија, а од 2008 година и за производите од програмата на Металац Траде од Горњи Милановац. Подоцна, од 2013 и 2014, респективно, стануваме и ексклузивни застапници и увозници за производите на Металац Инко и Металац Бојлер, за Р. Македонија.

Располагаме со сопствен магацин и изложбен салон во Струга и вршиме достава на трговска стока, со сопствен возен парк, на цела територија на Р.Македонија.

Металац Посуѓе ДОО произведува емајлирани, инокс и non-stick садови за домаќинство, Металац Инко ДОО - инокс и гранитни садопери и мијалници и Granmatrix композитни плочи, Металац Бојлер ДОО произведува електрични акумулациони и малолитражни бојлери, додека Металац Траде ДОО се занимава со трговија на големо на увозен асортиман производи за домаќинства, кои се продаваат под трговската марка Sigma.

Кукунеш Дооел се занимава исклучиво со продажба на големо. Наша цел е преку широката мрежа на комитенти во малопродажниот сектор, кои редовно ги снабдуваме, да ги направиме производите од фирмите чии застапници сме, што подостапни до крајните купувачи во целата земја.

Нашите основни начела според кои се водиме во работата се чесност, професионалност и насоченост кон потребите на купувачите.

Наша цел е производите од нашиот асортиман, чиј квалитет е докажан и плод на долгогодишна традиција, да бидат присутни во секој дом, ресторан и хотел низ цела Македонија.

Остварувањето на таа цел е можно само преку успешна и плодна соработка со сите наши комитенти, која се темели на взаемна доверба, почит и исполнителност, а со краен резултат, задоволни купувачи кои повторно ќе се вратат да ги побараат и купат нашите производи.

Почетоците на компанијата Металац АД Горњи Милановац и со неа на брендот Металац, датираат од 1959 година. Успехот и развојот на Металац се должи на втемелените вредности на чесност, доверба, почит и посветеност кај сите сегашни и поранешни вработени и на одредбата за постојано усовршување, иновативност и следење на пазарните текови.

Денес, Металац АД е акционерско друштво, кое како такво функционира од 1998 година. По основ на сопственост на капиталот, Металац АД има 14 зависни друштва со кои е поврзано во група и тоа: пет производни, пет трговски друштва на пазарот во Р.Србија и четири трговски друштва на странски пазари.

Сите производни претпријатија се наоѓаат во Горњи Милановац, Србија , на околу 120 км од Белград. Тоа се: Металац Посуѓе ДОО, Металац Инко ДОО, Металац Бојлер ДОО и од Септември 2015 година, Металац ја превзеде и Фабриката за автомобилски делови од Горњи Милановац, сега под името Металац ФАД.

Производството на садови за домаќинство е главен бизнис, а претпријатието Металац Посуѓе е еден од најуспешните и најголемите производители на садови за домаќинство во Европа. Металац ги извезува своите производи во околу 25 земји и тоа, во поранешните југословенски републики, Босна и Херцеговина, Хрватска, Македонија, Словенија и Црна Гора, потоа во Русија, Франција, Италија, Германија, Англија, Шпанија, Шведска, Финска, Чешка, Украина, Грузија, Бугарија, се до Јапонија, САД и Австралија.

Металац АД ги интегрира системите за управување со квалитет и заштита на животната средина што го потврдуваат TÜV сертификатите QMS/EMS ISO 9001 и ISO 14001.

Продавница Скопје 1

Продавница Скопје 2

Продавница Струга 1

Продавница Струга 2

Продавница Струга 3